Estes días estaba a seguir unha serie, Colapso, moi inquietante, apocalíptica e moi verosímil. Chamoume a atención que os capítulos fosen de pouca duración pero cun pulso vertixinoso. Semellaban, para min, curtas. Todo unha arte, a das curtas, que condensa a esencia do que sería unha longa pero en menos tempo. Un bo exercicio de síntese.

En Galicia fanse moitas e teñen o seu festival no Porriño. E non minguou nos seus propósitos coa crise do coronavirus. Falamos desta cita cinematográfica con Alfono Pato.