Hai un ano, a OMS acababa de empregar por primeira vez esa palabra coa que hoxe estamos tan familiarizados, pandemia, para referirise á crise do SARS CoV-2. Tal día coma este, o presidente da Xunta declaraba a emerxencia sanitaria en Galicia, recomendouse non levar os rapaces ao colexio, e o 14 de marzo o presidente do Goberno decretaba un estado de alarma que superou os tres meses. 365 días despois daquilo analizamos o que pasou, o que está pasando e o que pasará coa axuda de Juan Gestal, catedrático emérito de Medicina Preventiva e Saúde Pública.