É probable que moitos de vostedes teñan no seu contorno ou coñezan algún caso de cancro de mama. Dígoo porque é o tumor máis frecuente nas mulleres occidentais; en España diagnostícanse máis de trinta e tres mil novos cancros deste tipo cada ano; con todo, é un dos que ten maior taxa de supervivencia. Hoxe 19 de outubro celébrase o Día Mundial Contra o Cancro de Mama, co obxectivo fundamental de concienciarnos da importancia da investigación e do diagnóstico precoz e sensibilizarnos coas pacientes que pasan por esta enfermidade. Hoxe está con nós Marcos Calvo, psicólogo da AECC, e Lorena Sueiro, que superou un cancro de mama.