O espazo “ZigZag” ofrecerá hoxe unha entrevista no estudio de gravación cos membros de Nostoc, dúo formado polos vigueses Mateo Mena, compositor e experimentador sonoro, e Laura Iturralde, escenógrafa de referencia e videocreadora. 
O programa cultural da tvG2 tamén se fará eco do ciclo que o CGAI lle dedica a Fernando Rey con motivo do centenario do nacemento dun dos máis ilustres intérpretes da historia do cine español. 
Finalmente, na sección “Fondos Reservados”, Moncho Lemos falará esta semana do regreso dun clásico: Van Morrison.