Carolina, Eva e Lucía crúzanse nun motel de estrada na fronteira portuguesa. As tres teñen graves problemas persoais e económicos: Carolina é a dona do establecemento, Eva é unha actriz en horas baixas e Lucía é unha cantante mediocre que foxe do seu exmarido. As tres acaban no cuarto de Elixio, un cliente que manexa moitos cartos e que podería ser a solución para os seus problemas.

Pero un terrible incidente cambia o destino destas mulleres para sempre. Por outra banda, o clan dos Mendonça decide branquear cartos cun intricado plan, pero as súas liortas internas poderían arruinar a operación.