O aclamado director de orixe galega Oliver Laxe visita o programa para falar do seu último filme, “Mimosas”, que se estrea este xoves. “Mimosas” é o relato dunha viaxe, espiritual e física, por Marrocos.
Ademais, este mércores o programa dedica unha reportaxe ao produtor, compositor e músico arxentino Gustavo Santaolalla, gañador de dous Óscar. Falará para o programa da tvG2 sobre as súas experiencias ás ordes de directores de prestixio como Alejandro González Iñárritu ou Ang Lee.
O cultural ocuparase tamén das principias estreas de carteleira, falará de cinema fantástico chegado desde o festival internacional de Sitges e de música, con Moncho Lemos, que lembrará ao infatigable Elvis.