Esperanza Pedreño presenta en Galicia a montaxe teatral “Mi relación con la comida”. Esta actriz tamén actúa no filme “18 Comidas” de Jorge Coira.
A sétima arte continúa no programa cunha reportaxe cos actores galegos de “Lobos Sucios”, un filme participado pola TVG que mañá se estrea nas salas de cinema. O espazo da tvG2 tamén falará co cineasta asturiano Ramón Luís Bande, que, dentro da aula “Os ollos verdes”, da sala NUMAX de Santiago, presentou o seu filme “El nombre de los árboles” e impartiu a clase maxistral “Encontrar la película/ La película encontrada”. 
Pero un programa cultural de cinema coma este non se podía facer hoxe sen renderlle unha sentida homenaxe á actriz Chus Lampreave, finada esta semana.