Ramón María del Vall-Inclán fala galego sobre as táboas. O Centro Dramático Galego (CDG) pon en escena nesta lingua a montaxe “Martes de Carnaval” e o actor, Miquel Insua, que forma parte do elenco, estará hoxe en “ZigZag Diario” para falar desta produción.
Por outra banda, o espazo da tvG2 tamén se interesará este venres polo "Galicia Escena Pro", o mercado galego das artes escénicas que cada ano organiza en Santiago de Compostela a Axencia Galega das Industrias Culturais, Agadic, da Consellería de Cultura, Educación e Ordenación Universitaria.