Na súa estrea, Malo será! ofrece o programa gravado no Teatro Afundación de Vigo. Xosé Antonio Touriñán exerce nesta primeira función como convidado, e a actriz local Cristina Andrade completa o elenco liderado por Lucía Regueiro, a presentadora do formato.

Unha familia primitiva con problemas moi actuais, un barbeiro que, segundo a súa muller, ten problemas coa bebida, ou unha reunión en Wall Street á que asisten executivos con formas moi diferentes de ver as cousas son algunhas das situacións que se poden ver neste programa.