O equipo de 'Malo será!' chega ao Auditorio Municipal de Ourense nun novo episodio do programa conducido por Lucía Regueiro. Hora e media da mellor comedia sobre as táboas que contará coa participación de Pablo Meixe como convidado de excepción. O novo talento da cidade das Burgas estará representado nesta ocasión por Iván Davila, nun programa no que os espectadores asistirán a un concurso xaponés ou coñecerán novas teimas de Chiruca. Non faltará a música en directo, coa que gozarán os espectadores desde o patio de butacas e ao outro lado da pantalla.