O mellor humor chega esta semana a Vigo da man de 'Malo será!'. A monologuista Jazmín Abuín e o actor Raúl Alonso acompañarán desta volta o elenco habitual do programa nun novo capítulo deste espectáculo teatral e televisivo, que mestura comedia e música en directo, desde o Auditorio Mar de Vigo.

Lucía Regueiro batallará desta volta cun técnico de luces LED disposto a todo, e o Dúo Sol e Sombra será, por unha vez, un trío. Ademais, Xosé A. Touriñán, no papel dun negociador preparado para calquera situación, participará da máis surrealista das vodas.