No Auditorio Municipal de Ourense, baixo o título 'Chavasqueira forever', únese ao elenco habitual de Malo Será o actor Xosé A. Touriñán. Aquí asistiremos a unha verdadeira feira, a unha cea sorprendente e ata a unha rolda de prensa da policía sobre o asasino de Terra de Soneira. Os espectadores serán testemuña dunha proba de casting e non faltará tampouco o número de ventriloquía do boneco Carballiño. Marcos Pereiro, Federico Pérez, Lucía Veiga, Paula Pier, Cristina Andrade, Marita Martínez, Oswaldo Digón, Evaristo Calvo, Iria Parada e Xosé A. Touriñán son as actrices e actores cos que poderá gozar a audiencia.