Din os que o fixeron que o Camiño de Santiago ten unha sonoridade propia, cada peregrino terá un son de seu, pero non nos trabucamos ao dicir que hai unha banda sonora común a todos os camiños: a que pon Luar na Lubre. Un feito que quizais explica que o grupo afirme ter unha débeda cos peregrinos, débeda que está saldada con este disco, Vieiras e vieiros, historias de peregrinos, saído hai unha semana e do que imos falar con Bieito Romero.