A vila de Lires sitúase na Costa da Morte, no concello de Cee. É un sitio cun encanto especial, xa que combina o progreso coa tradición e os veciños gozan compartíndoo coa xente que vén de fóra. De feito, Lires foi unha das primeiras vilas de Galicia en ter turismo rural.

A xente de Lires sabe buscar a vida e o mellor de todo é que o fai apostando por eles mesmos e polos recursos propios da zona. Se cadra por iso os veciños coidan tanto os seus costumes de sempre, xa que son un préstamo das futuras xeracións.