Despois de vivirse en Santalla un dos momentos máis difíciles da relación veciñal por mor das verteduras da granxa ao río, Manuel Cabanas vai onde Tomás para contarlle o que lle escoitou falar por teléfono a Daniel, o xerente, uns comentarios que levantan as sospeitas de ambos os dous e deciden seguir as súas accións máis de preto.

Doutro lado, a mestra de Vilariz, María, intenta loitar contra os sentimentos que lle esperta Óscar, o seu compañeiro de traballo, para que a convivencia sexa o máis normal posible, moito máis difícil desde que a nova profesora, Pili, se mete por medio da relación.

Noutras escenas, Lupe, a madrasta de Óscar, está de visita en Santalla, onde Freire a levará a coñecer a granxa e ao xerente, Daniel. Pero unha vez que quedan a soas, Lupe e Daniel non parecen precisamente descoñecidos...