Parece que todo Santalla quere formar parte do negocio inmobliario de Balseiro. Elías, por suposto, non quere quedar atrás e pretende mercar unha leira para que o alcalde lla permute por un piso. Todos aplauden a súa idea e desde Carmiña ao propio don Venancio urden un plan para comprar un terreo entre todos.

Por fin Marcos recibe noticias de Suíza, moi pronto poderá operarse e -se todo sae ben- deixará de lado esta nova vida que lle atormenta.

Tamén Sara e Cosme cren que facer negocio con Ramón é o mellor xeito de apoiar a un Manuel afundido tras a perda do invernadoiro. Co que ninguén conta é coa aparición do comprometido documento que porá a Balseiro en serios problemas e traerá consecuencias para Santalla moito maiores do que ninguén podía esperar.