Alba García, Alejandro Castro, Brian Cameselle, Lucía Ramudo, Miguel Fernández, Nahír López, Pablo Romero e Uxía Lema son os concursantes que esta noite loitarán coas súas cancións por acadar ese posto de gañador ou gañadora. Aínda que o segundo e o terceiro posto tamén está premiado con 1.000 e 500 euros respectivamente, tamén destinados a causas benéficas. 

Os encargados de elixir quen leva este premio á súa casa será o habitual xurado do programa, conformado nesta ocasión pola cantante Tamara, que tamén actuará ao longo da noite, a gaiteira Susana Seivane e o músico Davide Salvado. Eles terán esa difícil tarefa de avaliar e puntuar as actuacións destes pequenos talentos.