Dende o agro ás grandes vilas galegas, os nosos expertos na materia vanse internando nas peculiaridades da sociedade e da vida diaria dos galegos de principios do século XX.

Un percorrido ao longo da década dos vinte, dende o contexto histórico e político do momento ata a primeira visita de Afonso XIII a Galicia ou á xuntanza de grandes personalidades grazas ao poder das augas de Mondariz.

Todo iso sen esquecer diversas cuestións fundamentais, coma o funcionamento das familias, a emigración ou o momento que vivían as mulleres.