A morte e o poder son os grandes temas sobre os que gravita a última montaxe de Sarabela Teatro. Fonso Míguez, Fina Calleja, Sabela Gago, Nate Borrajo e Fernando Dacosta, sobre as táboas, e Ana Vallés, na dramaturxia e na dirección, recuperan a obra de Eugène Ionesco 'O rei morre'.

Pilar G. Rego entrevista dous integrantes do elenco: Fina Calleja e Fernando Dacosta, para falar desta libre de 'Le Roi se meurt'. Unha aguda metáfora sobre o tirano que se aferra ao poder. A historia leva a reflexionar sobre a vida humana mediante a interpretación da vida do rei Berenguer I.