O “ZigZag Diario” contará coa visita dun dos responsables do Festival Imperdible, Antón Coucheiro, que falará dunha proposta que vai encher a capital compostelá de espontaneidade. 
O equipo do programa tamén lle botará unha ollada na edición de hoxe ao diálogo entre danza e música e por iso porá o seu foco nos novos vídeos musicais de grupos como Nao, Tiberevi e Davide Salvado, que contan con estes dous elementos. 
A outra proposta escénica que van destacar no programa de hoxe chámase “Microimpactos”, unha acción de danza contemporánea, creación sonora e vídeo.