Ás 22.00 h. comezará un amplo percorrido polos atractivos turísticos da cidade, que quedarán recollidos en breves reportaxes e catro directos espallados pola Coruña.  O espazo tamén amosará os veleiros que chegan este xoves á cidade, da man de The Tall Ships Races. Outra das emisións será dende a praza de María Pita, corazón da cidade, onde se celebrará o concerto do cantante Loquillo. O especial “Festas de María Pita” tamén conectará en directo con Viñetas dende o Atlántico, evento dedicado á banda deseñada, que enche a cidade de amantes do cómic e de prestixiosos ilustradores e guionistas.