Con conexións en directo pola capital da provincia, o equipo do programa acompañará polas rúas do centro histórico pontevedrés os protagonistas dos cantos de taberna tradicional. Aproveitando esta festividade, o especial en directo amosará a historia da Peregrina, patroa do camiño portugués e cuxa capela se converteu nun emblema da cidade. Ademais, amosará as prazas e os lugares máis fermosos do casco antigo da cidade e presentará a mellor gastronomía do lugar.