“Sopa de Festa" lévanos á Festa dos Callos de Vilanova de Arousa. As cámaras do programa seguiron todo canto aconteceu neste evento que segundo a tradición vai ligado á romaría de San Amaro, unha celebración relixiosa e gastronómica que cada ano conta con multitude de participantes. 
Os reporteiros pasaron o día de festa con todos os veciños e visitantes que se achegaron a Vilanova para degustar unha ración de callos na carpa instalada para a ocasión ou nalgún dos establecementos que ese día ofreceron este prato no seu menú. 
Vilanova de Arousa é a última parada do programa que percorre as festas gastronómicas de Galicia, converténdose na mellor guía para os amantes da boa mesa.