Neste ‘Comisión de festas’ imos ata Curtis, unha vila que ben pode presumir de ter unha chea de festexos ao longo do ano. A Festa das Flores é a troula que inaugura a temporada das verbenas, en Curtis e en toda a comarca de Betanzos. Está organizada por unha comisión que colle os mandos da festa por vez primeira e na que a maioría dos seus membros non chegan aos 30 anos. A falta de experiencia non asusta a esta xuventude destemida que vai deixar a pel para superar calquera obstáculo e conseguir ter unhas festas de campionato.