A Festa da Pescada do Pincho de Celeiro está declarada de Interese Turístico Galego e avalada polo éxito de 21 edicións.
A festa trata de dar a coñecer as excelencias da pescada do pincho, que, capturada dun xeito artesanal e selectivo, chega ao porto de Celeiro en perfecto estado de conservación e coa máxima garantía de calidade.
O especial amosa o proceso completo: desde a lonxa, limpeza, corte e separación, ata a súa preparación en diferentes modalidades por parte dos integrantes do colectivo Chilindrín, entidade organizadora da festa.