A Festa da Pescada do Pincho, no municipio lucense de Viveiro, trata de dar a coñecer as excelencias deste peixe, que capturado dun modo selectivo, un a un, chega ao porto de Celeiro en perfecto estado de conservación para o goce dos padais máis esixentes. Podemos ver as diferentes maneiras existentes de preparación deste delicioso produto: en caldeirada, á galega, empanada, pizza ou a especial da localidade: pescada penalba.