A Festa da Istoria en Ribadavia está declarada de Interese Nacional. Transportar a propios e a estraños ata a Idade Media non é tarefa doada. Por iso, os veciños e veciñas de Ribadavia traballan arreo coma voluntarios coa Coordinadora desta “volta ao pasado” e crean un escenario de película que atrae visitantes de todos os puntos do territorio peninsular. Da man da xornalista Patricia Santana coñecemos de preto os segredos que converten a Festa da Istoria nun éxito en cada edición. Entramos nas casas das familias que se preparan para esta longa e emocionante xornada, Escoitamos os protagonistas do Gran Desfile, presenciamos o pregón e asistimos ao nomeamento dos notables.