CRTVG

Buscar

Facendo o Camiño

Facendo o camiño (2)

18/01/2017 23:30 h

O segundo programa de “Facendo O Camiño” amosa os acontecementos históricos relacionados coa trama do segundo capítulo de “O final do Camiño”. Os actores Cristina Castaño, Javier Rey e Paco Manzanedo, entre outros, falan do violenta que foi a entrada dos almorábides na Península; do que se escondía detrás da alianza entre o bispo de Compostela Diego Peláez e Guillerme “O Conquistador”, primeiro rei de Inglaterra de orixe normando, ou de como foi a relación entre o mestre Bernardo e o mestre Esteban, os primeiros artífices da catedral de Santiago. Todo iso, mantendo o rigor histórico grazas aos apuntamentos dos asesores da serie: o profesor de Historia Medieval da Universidade de Santiago Jose Miguel Andrade e a arqueóloga Sonia García.

Ademais, Ángel Amaro, director de Arte de “O final do Camiño” e Juan Antonio Écija, responsable de efectos visuais da ficción, explican como fixeron para  recrear en Galicia a Sevilla do século XI e a fortaleza almorábide de Yusuf Ibn Tasufin en Marrocos.

O actor Javier Rey revela o proceso que levou a cabo para converterse en Pedro de Catoira, e William Monrabal, coordinador de Acción da serie, amosa como se preparan os especialistas para rodar as escenas de acción.

Atopar capítulo por: