"Eu quero troita" propón unha intensa e divertida viaxe por toda Galicia para descubrir as historias da xente que vive rodeada de troitas por todas partes. A través de dinámicas reportaxes, coa música e as troitas como principais protagonistas, descubriremos onde se pescan mellor estes deliciosos peixes. E tamén haberá tempo para percorrer os famosos "templos da troita" , probar distintas receitas e cantar e bailar coas festas da troita de Oroso, A Pontenova e Ponte Caldelas.