Hoxe Rafa Durán visitará a Adela Fernández en Vilalba para recoller o produto estrela da receita: o queixo azul.

Ingredientes:

Para a salsa de queixo azul: · 250 g de queixo azul · ½ l de nata · ½ cebola · Pementa en gran · Sal

Para as peitugas de parrulo: · 2 peitugas de parrulo · Aceite de oliva · Pementa moída · Sal

Para as peras ao mencía: · 3 peras conferencia · 400 ml de mencía · 150 g de azucre moreno · 1 rama de canela · Anís estrelado

Elaboración:

Pelamos as peras e cociñámolas durante 30 minutos co resto dos ingredientes. Facémoslle uns cortes ás peitugas en forma de rombo. Douramos as peitugas comezando pola parte da pel.

Enfornamos as peitugas durante 15 minutos a 180 graos. Para a salsa, rustrimos a cebola e os recortes das peitugas. Engadimos a nata e o queixo azul. Cociñamos todo 10 minutos sen deixar de remexer. Coamos a salsa e empratamos.

Ademais, Isabel Villanueva visitará o plató para axudarlle a Miguel coa receita.