Hoxe Rafa Durán visitará a Alejandro en Vilamarín para recoller o produto estrela da receita: o aceite de oliva arbequina.

Ingredientes:

 · 1 coello  · 2 cebolas  · 1 cabeza de allos  · 3 cenorias  · 2 follas de loureiro  · Pementa en gran  · Cravo  · Romeu  · 7 cachelos  · 1 l de aceite de oliva arbequina  · 250 ml de vinagre do ribeiro  · 250 ml de viño albariño  · 2 rebandas de pan torrado

Elaboración:

Cortamos o coello en porcións e dourámolo. Cortamos as verduras e rustrímolas no aceite do coello. Seguidamente engadimos o coello, as herbas aromáticas, as especias e os líquidos.

Deixamos cociñar todo un 45 minutos. Pasado ese tempo, sacamos o fígado e triturámolo con pan torrado. Por último engadimos esa mestura á ola. Escachamos as patacas coa man.

Ademais, Isabel Villanueva visitará o plató para axudarlle a Miguel coa receita.