Hoxe Rafa Durán visitará a Alfonso Castro en Ribadumia para recoller o produto estrela da receita: as peitugas de polo. 

Ingredientes:

Para o polo: · 4 peitugas de polo · 2 tomates · ½ queixo · Aceite de oliva · Pemento doce Ourego · Salsa de soia · Pementa negra e sal

Para as patacas: · 4 patacas medianas · 2 dentes de allo · 1 cullerada de pemento doce · 1 cullerada de tomiño · 1 cullerada de mostaza · Aceite e sal

Elaboración:

Cortamos as patacas en cuarteiróns e cocémolas durante 5 minutos. Adobámolas e enfornámolas 20 minutos a 180 graos. Facémoslle uns cortes ás peitugas e adobámolas. Cortamos os tomates en rodas e o queixo en liscos grosos.

Enchemos os cortes das peitugas co tomate e o queixo. Enfornámolas entre 30 e 40 minutos a 180 graos. Servimos as peitugas acompañadas das patacas asadas.

Ademais, Isabel Villanueva visitará o plató para axudarlle a Miguel coa receita.