Hoxe Rafa Duran visitará a Moncho López en Xinzo de Limia para recoller o produto estrela da receita: a mortadela.

Ingredientes:

Para a salsa de tomate: · 3 tomates maduros · 3 dentes de allo · Media cebola · Aceite de oliva · Un chisco de azucre · Sal

Para a masa: · 250 g de fariña de trigo · 15 g de fermento fresco · 2 culleradas de aceite de oliva · 1 cullerada de sal · 40 ml de viño branco · 160 ml de leite

Para o recheo: · 180 g de queixo Arzúa Ulloa · 150 g de mortadela en liscos · 50 g de olivas negras · 30 g de queixo relado · 6 tomates secos hidratados · Follas de alfábega fresca · Aceite de oliva 1 ovo para pintar

Elaboración:

Picamos todos os ingredientes da salsa de tomate e cociñámolos 15 minutos. Mesturamos os líquidos da masa nun cunco, xunto co fermento, a fariña e o sal. Amasamos e deixamos que repouse tapada uns 30 minutos.

Cortamos o queixo, os tomates secos, a mortadela e as olivas. Estiramos a masa e cubrímola coa salsa de tomate, os ingredientes cortados, as follas de alfábega e o queixo relado. Enrolamos o “stromboli” e pechamos os extremos. Poñémolo nunha bandexa de forno, pintámolo con ovo e facémoslle uns cortes superficiais.

Para rematar, metémolo no forno quente a 200 graos uns 15 minutos. Ademais, Isabel Villanueva visitará o plató para levarlle a Miguel alfábega fresca.