Hoxe Rafa Duran visitará a Adrián Sotelo en Xinzo para recoller o produto estrela da receita: patacas fritas de bolsa.

Ingredientes:

Para a tortilla: · 150 g patacas fritas de bolsa · 7 ovos · ½ cebola · Sal e pementa · Aceite de oliva Para o polo crocante: · 1 peituga de polo · Patacas fritas picantes de bolsa · Fariña · Ovos · Sal e pementa · Aceite de oliva

Elaboración:

Picamos a cebola moi fina e refogámola. Batemos os ovos, incorporamos a metade das patacas fritas e maila cebola refogada, e deixamos repousar 10 minutos.

Por outra banda, cortamos as peitugas en tiras e salpementámolas. Trituramos as patacas picantes ata obter escamas. A continuación, rebozámolas con fariña, ovo e as escamas.

Engadimos outra metade das patacas fritas á mestura do ovo e facemos a tortilla. Para rematar, fritimos as tiras de polo.

Ademais, Isabel Villanueva visitará o plató para pedirlle a Miguel unhas patacas.