Hoxe Rafa Durán visitará a José García da empresa Carsegal en Sarria para recoller o produto estrela da receita: o entreteto de vaca.

Ingredientes:

Para o rolo:

· 1 kg de carne picada de tenreira · 2 ovos · 50 g de pan relado · 6 liscos de xamón cocido · 6 liscos de queixo · Entreteto de vaca en liscos · Pementa negra moída · Allo en po Tomiño · Ourego · Sal

Para a ensalada:

· Brotes tenros · Pemento doce · Aceite · Vinagre · Sal

Para a gornición:

· Ollos de leituga · Vinagre balsámico · Aceite · Sal

Elaboración:

Mesturamos nun cunco a carne, os ovos, o pan relado, as especias e un pouco de aceite. Sobre un par de follas de papel de aluminio, estendemos os liscos do entreteto e a carne picada por enriba. Cubrimos con liscos de xamón cocido e queixo, montamos o rolo e metémolo 15 minutos no forno a 200 graos.

Pasado ese tempo, abrimos o papel de aluminio e deixamos que se cociñe outro 15 minutos máis a 180 graos. Servimos o rolo acompañado de ollos de leituga á prancha.

Ademais, Isabel Villanueva visitará o plató para falar con Miguel da leituga e probarán un “veciconsello”.