Rafa Duran visitará a Anxo López en Maceda para recoller o produto estrela da receita: chourizo ceboleiro.    

Ingredientes:

 • 500 g de chourizo ceboleiro

• 2 kg de patacas

• 2 cebolas grandes

• 3 follas de loureiro

• 50 ml de aceite de oliva virxe extra

• Caiena

• 2 culleradas da polpa dun pemento chouriceiro

• 6 dentes de allo

• 2 litros de caldo de carne

• 1 cullerada de pemento doce

• Sal  • Perexil

Elaboración:

Nunha tarteira grande engadimos un chorro de aceite de oliva virxe extra. Picamos as cebolas moi finas e engadímolas á tarteira. Refogamos a lume suave durante uns 10 minutos. Cortamos o chourizo en anacos, botámolos no rustrido da cebola xunto cos dentes de allo e refogamos un par de minutos.

Estonamos as patacas e escachámolas en anacos. Engadimos unha cullerada de pemento doce e caiena. Remexemos durante un minuto para non queimar o pemento, engadimos o pemento chouriceiro e volvemos a mesturalo todo.

Engadimos as patacas, remexemos ben co resto dos ingredientes e botamos o caldo ata cubrir as patacas. Fervemos todo durante 20 minutos ata que as patacas estean feitas, movendo a tarteira de vez en cando para que o caldo espese.

Servimos e decoramos con pirixel picado para rematar a receita.

Ademais, Isabel Villanueva visitará o plató para devolverlle a Miguel os “tuppers” que aínda tiña pola súa casa.