Ingredientes:

Para as faceiras: • Faceiras de tenreira • 1 cebola • 1 dente de allo • 1 tomate maduro • 1/2 pemento vermello • 1 cenoria • 1 cunca de viño tinto • 1 cunca de viño porto • 1 cunca de caldo de carne • 1 atado de herbas aromáticas • Sal e pementa • Aceite de oliva • Fariña para rebozar

Para o puré de pataca e brócoli: • 3 patacas • 1 brócoli • 1 noz de manteiga • Sal e pementa

Elaboración: Hoxe imos papar unhas faceiras. Cocemos ao vapor dun caldo de carne a pataca máis o brócoli. Machucamos xunto cunha noz de manteiga e reservamos. Salpementamos e rebozamos as faceiras, marcámolas ben e reservámolas. Na mesma tarteira a lume forte, marcamos tódalas verduras, incorporamos o atado de herbas, os viños e o caldo de carne. Embarcamos as faceiras nesta tarteira e enfornamos a 170 graos uns 50 minutos aproximadamente. Trituramos a salsa resultante do enfornado, napamos as faceiras con esta salsa, empratamos co puré e listo para comer.