Ingredientes:

2 pementos vermellos, 1/2 kg. de carne de pavo picada, 75 gr. de touciño, 1 cunca de tomate frito, 1 dente de allo, 1 xema de ovo, 1 berenxena, 1/2 vaso de godello, 1 culleriña de cúrcuma, aceite de oliva, sal e pementa, 1 culler de mostaza.

As patacas asadas:

1/2 kg. de patacas, sal e pementa, 1 culleriña de pemento picante, 1/2 vaso de viño godello.

Elaboración:

Asamos 15 minutos a 190 graos os pementos. Limpámolos, cortámolos e reservamos. Nunha tarteira, rustrimos o allo, a carne, o touciño e a berenxena. Engadimos a cúrcuma, o viño, o tomate e a mostaza. Mesturamos e deixamos cocer 15 minutos. Cando estea morno, remexemos coa xema e salpementamos. Facemos os rolos de pementos. Friximos as patacas a media cocción, asámolas coas especias, o sal e o Godello. Empratamos e listo para comer!