Baixo as rúas da Coruña hai un río que moitos non recordan, pero que de cando en vez se desborda reclamando o que unha vez foi a súa conca. "Esquece Monelos" é máis ca unha película sobre ese río, hoxe convertido en cloaca. É unha película sobre as nosas propias correntes subterráneas. O documental válese da desaparición do río Monelos baixo a cidade da Coruña para reflexionar sobre como se perde a memoria dos lugares e das súas xentes.