“Vive os Milagres” comezará o seu percorrido en Caión, onde os romeiros acoden a esta cita movidos pola fe. As augas que brotan dunha fonte próxima son coñecidas como ‘milagreiras’. Os asistentes, ademais de bebelas, humedecen uns panos e colócanos na parte do corpo onde teñen a doenza.
           Na Franqueira, os protagonistas desta romaría son, sobre todo, xentes do mar que lle piden protección á Virxe da Fonte. En Baños de Molgas cóntanse por milleiros os peregrinos que chegan a pé ata o santuario dende diversos puntos de Galicia e o norte de España.