O 45 por cento dos galegos que tiña proxectado comezar un negocio durante o ano pasado fixérono malia a situación de crise sanitaria por mor da covid-19. De feito, algúns deles ergueron a persiana xusto no momento en que outros tiñan que pechala polo confinamento. É o que di un informe sobre o emprendemento en Galicia diante da crise do coronavirus elaborado polas tres universidades galegas. E diso, de emprender e de como levalo a cabo, imos falar con Iván Dobarro, director territorial e de consultoría e innovación do Grupo Isonor.