Ingredientes:

Para a masa: ● 350 gr de fariña de millo corvo ● 225 gr de fariña de trigo ● 9 gr de lévedo fresco ● ½ litro de auga ● Aceite de oliva ● Sal

Para o recheo: ● 600 gr. de carne de tenreira galega ● 1 chourizo ● 1 pemento vermello ● 1 cebola ● 3 dentes de allo ● 1 culleriña de pemento doce ● ½ vaso de viño branco ● 1 ovo ● Sal ● Aceite de oliva

Elaboración:

Para a empanada de millo corvo de hoxe, precisamos mesturar as fariñas cun pouco de lévedo, medio litro de auga e sal. Metemos un chourizo ao forno durante 30 minutos a 180 graos. Nunha tarteira rustrimos as verduras, salpementamos e engadimos a tenreira galega previamente salteada. Incorporamos o pemento doce e o viño e cociñamos durante 7 minutos. Montamos a empanada coa zaragallada e o chourizo en po. Pintamos cun ovo batido, enfornamos durante 40 minutos a 200 graos. Empratamos e listo para comer…!!!