No estudio falarán hoxe do “Edipo” de Manuel María co actor, director de teatro e escritor galego Lino Braxe. E seguirán falando das Letras Galegas a través da obra “Lucecús”, a verdadeira historia de Manuel de Paderna. 
E co festival de Cans en marcha, hoxe falan coa bailarina e coreógrafa Janet Novás que inaugura, xunto a Mercedes Peón, o “Jaliñeiro de Arena”, unha das novidades que presenta este ano o festival do Porriño. 
E para rematar, tamén falarán de “Corpo a Terra”, o festival de danza e artes do corpo que está xa na súa conta atrás para arrancar a finais de xuño na cidade de Ourense.