Se falamos de música folk galega podemos pensar en moitos grupos, pero entre eles hai un que é a verdadeira referencia... Hai máis de trinta anos comezaron este camiño de reivindicación do noso enriba dun escenario: da cultura, da lingua e da música galegas; e agora son coñecidos e recoñecidos en medio mundo. Por se aínda teñen dúbidas, que non creo, imos ver e escoitar algo da súa música.

Máis de 1.500 concertos en máis de trinta países, máis de 350.000 discos venderon neste tempo, dous discos de ouro, nove premios da música e moitas cousas que deixo polo camiño, pero é que é imposible resumir a traxectoria dun grupo como Luar na Lubre. Bieito Romero, bos días.