Na cidade máis creativa e multicultural de Suecia conviven persoas de 179 nacionalidades distintas. Imposible sentirse estranxeiro! Empezaremos este capítulo rodeados de pan e doces. Dos que recenden ben e saben aínda mellor. Porque si, en terras viquingas amasan. E non se lles dá nada mal! A nós tampouco, claro. A calidade das panaderías galegas resulta innegable e estamos seguros de que gozaredes coas receitas que faremos en Nigrán.

De volta en Malmö, cambiaremos radicalmente de sector. Nos últimos anos, o número de barberías medrou de forma considerable en toda Europa, así que investigaremos que está de moda en Suecia. Tamén visitaremos Ourense para comprobar como arranxan a barba e o pelo os homes patrios. Ao mellor non son tan louros como os nórdicos, pero a todos lles gusta coidarse.

Atentos porque 'Corremundos' está a piques de comezar!