A presentadora do programa, Déborah Vukusic, entrevistará a Juan Lema, catedrático de enxeñería química da Universidade de Santiago de Compostela, para falar da reciclaxe circular da auga. O educador ambiental Manuel Rodríguez contaralle á presentadora cales son as causas dos incendios forestais e a que se chama “ecoloxía do lume”. A reporteira María Rial falará sobre casas sostibles co construtor Alberto Vázquez e co arquitecto Sergio Beceiro e, sobre vehículos eléctricos adaptados para o reparto de paquetaría, cos responsables da empresa Galogística. Na reportaxe de Xabier Santos coñeceremos como se está a recuperar o trigo autóctono e ecolóxico.