A presentadora do programa, Déborah Vukusic, entrevistará a Cesáreo Pardal, presidente do Clúster de turismo de Galicia, para falar de turismo sostible. Julio Eiroa, fotógrafo de natureza, contaralle á presentadora as dificultades que ten sacar imaxes de animais salvaxes.

O reporteiro Xabier Santos estará con Alejo Calatayud, director de comunicación de Revertia, que lle ensinará como están a reciclar as computadoras; e con Mª Paz Ondina, Coordinadora do grupo de investigación de "Conservación de peixes e moluscos" da USC, para saber como están a recuperar o mexillón de río.

Na reportaxe de María Rial, falará con Ana Pardo para coñecer o Centro de documentación ambiental Domingo Quiroga de Oleiros.