O músico Juan Rivas repasará en “ZigZag Diario” o programa de concertos da Semana das Industrias Culturais e Creativas que comeza o 2 de maio en Ourense. A música de Depedro ou The Funkles serán algúns dos alicientes desta cita que acolle diferentes relatorios e debates en torno as industrias culturais e os procesos creativos en ámbitos como o da gastronomía.

 Ao longo do programa, os espectadores poderán gozar do último traballo da compositora e Dj Cora Novoa, que acaba de presentar un novo videoclip. Moncho Lemos traerá ao programa a música do cantante brasileiro Caetano Veloso, que o vindeiro 30 de abril dará no Palacio da Ópera da Coruña o único concerto en Galicia da xira internacional que está a realizar coa cantante de samba Teresa Cristina.