Aínda que prima a prudencia, e Galicia continúa en situación de risco extremo, as cifras confirman que se vai aplanando a curva desta terceira vaga da covid-19. Os casos activos descenderon, pero o nivel alto de restricións mantívose pola presión hospitalaria. É aquí onde os fisioterapeutas teñen moito que dicir, a súa presenza nas UCI pode acurtar a estadía dos pacientes ata dous días de media. Do seu papel nesta pandemia falamos con Sonia Lugrís, fisioterapeuta, do Colexio Oficial de Fisioterapeutas de Galicia. Traballa na UCI do CHUAC.