Lucía Regueiro, a actriz de “Serramoura” que encarnaba a Marga Neira, xerou centos de comentarios nas redes sociais co falecemento dos eu personaxe, a sarxenta do cuartel da vila ficticia en que transcorre a serie. Pola súa banda, o actor e humorista David Fernández, recordado polo seu esperpéntico personaxe Rodolfo Chikilicuatre, rebentou os índices de audiencia co seu paso por Eurovisión en 2008. Tamén vén pintar a mona no programa o actor galego Fernando Tato, que protagonizou a serie diaria da TVG, “O Faro”, e que participou noutras producións dos medios públicos como “Libro de Familia”, “Matalobos” ou “Hotel Almirante”.